Sebatang Rimbay di Ujung Petang

Ketua Lembaga Kebudayaan Kebangkitan Bangsa (LKKB) Sumsel, Vebri Al Lintani
Ketua Lembaga Kebudayaan Kebangkitan Bangsa (LKKB) Sumsel, Vebri Al Lintani

Oleh Vebri Al Lintani

Duduk tepeguk di tebing bukit Nganing siamang di ghimbe jadi Bedempuk-dempuk betimbal-timbalan Luluk muni orkes simponi

Sesenay sampay Teaning pule rimbay baghi ini

-Siamang di bukit lentur Buah sempayit makanannye Injik anjam linjang teganjur Bumi ngga langit timbangannye

Sayang selayak bunge lempipi Menarap aban keputihan Kite berayak ke denie ini Tuape bataan peghulihan

Mbaktulah aku sepetang itu Nantikah dengah sebayang-bayang Datang ‘mbawe bunge setaman Bunge penawar ati gayaw

“Bunge tuape namenye ini Kalu betuah njadi buah Kalu dide njadi bunge Kerane die, bunge ‘ndie”

Tiup angin sandi Dempu Teghase nggigit sampai ke tulang Sakit linu njadi lumpuh Pasti kah datang di ujung petang

“Makmane pandan dikkah ringkih, Tumbuh dik-ade bejunjungan, Makmane badan dikkah sedih, Balik lum ade peghulihan”

25 April 2022

banner selamat menunaikan ibada puasa

banner selamat menunaikan ibada puasa

banner selamat menunaikan ibada puasa

hari santri nasinonal

Tinggalkan Balasan